घोडेगाव ग्रामपंचायतच्या उपसरपंच पदी कपिल सोमवंशी 

आंबेगाव तालुक्याचे ठिकाण असलेल्या घोगाव ग्रामपंचायतीवर वर्चस्व ठेवण्यासाठी अनेक वर्षांपासून सर्व पक्षात चढाओढ असते कारण या  तालुक्यातील पश्चिम पट्ट्यावरील राजकारणावर वर्चस्व ठेवण्यासाठी ही ग्रामपंचायत महत्वाची भूमिका बजावते असे म्हणणे वावगे ठरणार नाही त्यामुळे तालुक्यातील सर्वच पक्ष ही ग्रामपंचायत ताब्यात ठेवण्यासाठी प्रयत्नशील असतात 

दरम्यान घोडेगाव ग्रामपंचायत चे उपसरपंच सोमनाथ काळे यांनी राजीनामा दिल्यानंतर उपसरपंच कोण होणार? याची उत्सुकता नागरिकांमध्ये मोठ्या प्रमाणावर होती. त्यामुळे चर्चांना उत आला होता यावेळी घोडेगाव ग्रामपंचायत उपसरपंच पद शिवसेनेकडे जातील असेही बोलले जात होते परंतु अनेक जाणकारांचे राजकीय निरीक्षण खोटे ठरवीत घोडेगाव मध्ये ग्रामपंचायतीत राष्ट्रवादी काँग्रेस पक्षाने आपले वर्चस्व आबादीत ठेवले  

दरम्यान  २२/२/२०२४ रोजी ग्रामपंचायत घोडेगाव येथे शिवसेना शिंदे गट व राष्ट्रवादी या दोन पक्षामध्ये वार्ड क्रमांक १ चे विद्यमान ग्रामपंचायत सदस्य कपिल गुलाब सोमवंशी यांना एकूण सदस्यामधून  ११मते पडली तर शिवसेना (शिंदे) गटाचे ग्रामपंचायत सदस्य मनोज काळे यांना एकूण ७ मते पडली असून यामध्ये कपिल सोमवंशी हे उपसरपंच पदासाठी विजयी झाले असल्याचे निवडणूक निर्णय अधिकारी अश्विनीताई तिटकारे यांनी जाहीर केले आहे.

 परंतु निवडणुक प्रक्रिया चालू असताना १२.३० वाजे पर्यंत माघार घेण्याची वेळ असताना उमेदवारी साठी अर्ज भरणारे स्वप्नील घोडेकर यांनी १२.३६ वाजता अर्ज माघारी घेतला. यावरून शिवसेना शिंदे गटाच्या सदस्यांनी आक्षेप घेतला असून यासंदर्भात तक्रारी अर्ज दिल्याचे ग्रामपंचायत  सदस्य प्रदीप घोडेकर यांच्याकडून बोलल जात आहे. उपसरपंच कपिल सोमवंशी यांची घोडेगाव मध्ये घोडेगाव गावच्या  विकासाची काय ध्येय धोरणे राहणार आहेत. व सध्या सुरू असलेला मारुती मंदिरा शेजारील अतिक्रमण काढण्यासाठी प्रयत्न करणार की अतिक्रमण धारकाला मदत करणार याबाबत  घोडेगावचे नागरिक चर्चा करत आहेत.