अकलूजचा “पै. विक्रम घोरपडे” ठरला “मंचर केसरी”

मंचर दि . येथील श्री भैरवनाथ महाराज यात्रेनिमित्त झालेल्या कुस्ती आखाड्यात   पैलवान विक्रम घोरपडे हा स्पर्धेचा मानकरी ठरला असून याने  मंचर केसरी चा सन्मान मिळवत  ७१ हजार रुपयांचे प्रथम क्रमांकाचे  बक्षीस पटकावलेआहे अशी माहिती यात्रा कमिटीचे कार्याध्यक्ष वसंतराव बाणखेले यांनी दिली.

        मंचरचे शेवाळेवाडी निघोटवाडी(ता.आंबेगाव) ग्रामस्थांचे कुलदैवत असलेल्या श्री भैरवनाथ माहाराज यात्रेनिमित्त प्रतिवर्षी प्रमाणे याही वर्षी भव्य कुस्तीच्या आखाड्याचे आयोजन करण्यात आले होते. या मैदानी खेळामध्ये महाराष्ट्रयातील पुणे, नगर, नाशिक, सांगली, कोल्हापूर सातारा या विविध जिल्ह्ययातून  अनेक नामांकित कुस्ती पैलवानांनी  येऊन आपला खेळ प्रदर्शित केला. रोमांचक व सहासी  डाव प्रतिडाव टाकत विरोधी पैलवानास धूळ चारून असमान दाखवत अनेक कुस्त्यांचे खेळ पार पडले.  

       दरम्यान या  कुस्त्यांच्या आखाड्यात अकलूजचे पैलवान विक्रम घोरपडे यांच्याविरुद्ध गोकुळ तालमीचे पैलवान अक्षय कावरे  त्यांच्यात कुस्तीचा रोमांचकारी थरार पाहायला मिळाला.यात घोरपडे यांनी कावरे यांना चितपट करून ७१ हजाराचे रोख बक्षीस व मानाचा किताब पटकावला.

     द्वितीय क्रमांक साठी पैलवान अविनाश मूळ, पारनेर विरुद्ध पैलवान गणेश बेनके शिरूर, यांच्यात झालेल्या अटीतटीच्या लढतीत  मुळूक यांनी विजयीश्री संपादित करीत . 51 हजार रुपयांचे रोख बक्षीस पटकावले

                दरम्यान या आखाड्यात पाचशे रुपयांपासून तर प्रथम क्रमांकापर्यंतच्या विविध कुस्ती मोठ्या उत्साहात पारपडल्या यावेळी गोवर्धन समूहाचे प्रमुख देवेंद्रशेठ शहा, पं. समितीसदस्य राजाराम बाणखेले, भीमाशंकर सहकारी साखर कारखान्याचे चेअरमन बाळासाहेब बेंडे , भाजप नेते संजय थोरात, शिवसेना उद्धव ठाकरे पक्षाचे जिल्हाप्रमुख सुरेश भोर, शिवसेना महिला आघाडीच्या तालुकाप्रमुख सुरेखाताई निघोट, लक्ष्मण बाणखेले, आंबेगाव तालुका कुंभार समाज तालुका अध्यक्ष राजुशेठ सोमवंशी, नामदेव शेठ थोरात, राजू भंडारी , चेअरमन शशिकांत बढे ,काँग्रेस नेते गणेश खानदेशे,  माजी जिल्हा परिषद सदस्य मथाजी पोखरकर, सुहास बाणखेले, अरुण शेठ गांजाळे आदी मान्यवर उपस्थित होते.

दरम्यान या आखड्याची शोभा वाढविण्यासाठी  पैलवान अंकित धुळगंड विरुद्ध पैलवान अर्जुन चव्हाण, पैलवान अरुण खेंगले विरुद्ध पैलवान आदेश रायकर, पैलवान गोवर्धन शिंदे विरुद्ध पैलवान भारत चव्हाण, पैलवान कुमार देशमाने विरुद्ध पैलवान सागर सुळ, पैलवान भाऊसाहेब सदगीर विरुद्ध पैलवान आर्यन कराळे, पैलवान रोशन भोसले विरुद्ध पैलवान हर्षद घोलप, पैलवान कुणाल बच्चे विरुद्ध पैलवान पवन रोखले, पैलवान अक्षय खंडागळे विरुद्ध पैलवान रोहन मांजरे, पैलवान शुभम कराळे विरुद्ध पैलवान आण्णा वाळकुंडे, पैलवान सुजित मुळे विरुद्ध पैलवान वेदांत गुजर, पैलवान शुभम शेळके विरुद्ध पैलवान लक्ष्मण सावंत, पैलवान सिंहध्वज कणसे विरुद्ध पैलवान यश चांदवडे ,पैलवान राम आव्हाड विरुद्ध पैलवान रोहन मांजरे, पैलवान कार्तिक सुरकते विरुद्ध पैलवान अभी सावंत, पैलवान यश मोहिते विरुद्ध पैलवान सतीश पडवळ ,पैलवान अजय मोहिते विरुद्ध पैलवान अमोल शिंदे, पैलवान सार्थक वहिले विरुद्ध पैलवान अविराज थिटे ,पैलवान हर्षल दिवेकर विरुद्ध पैलवान श्रवण वहिले यांच्यात कुस्त्या लावण्यात आल्या. तसेच पैलवान श्रीशा काळे विरुद्ध पैलवान संचिता रोकडे अशी महिलांची कुस्ती विशेष आकर्षण ठरली.

      विजेत्या पैलवानांना  पप्पू  बागल ॲड. बाळासाहेब पोखरकर, बाबुशेठ मोरडे, शांताराम जाधव ,बंटी बागल, बबलू थोरात, त्यांच्या हस्ते बक्षीस वितरण करण्यात आले. सहा लाख रुपयांच्या कुस्त्यांचं आयोजन केलं यात २८ निकाली कुस्त्या झाल्या. सायंकाळी साडेपाच ते रात्री पर्यंत कुस्तीचा डाव रंगला होता.

  कुस्त्यांचा आखाड्याचे नियोजन यात्रा कमिटीचे अध्यक्ष दत्ता थोरात, कार्याध्यक्ष ,राजेंद्र थोरात, युवराज बाणखेले,जेके थोरात यांनी केले.उपाध्यक्ष प्रवीण मोरडे, मंगेश बाणखेले ,कैलास गांजाळे, संजय बाणखेले, सुरेश निघोट, सचिन मोरडे बाबू बोऱ्हाडे राजू सोमवंशी आकाश खानदेशे जगदीश घिसे, स्वप्निल बेंडे, आदी यात्रा कमिटीचे सदस्य उपस्थित होते.यावेळी पंच म्हणून जाधव आणि हिंगे सर यांनी काम पाहिले. मैदान व्यवस्था सचिन बाणखेले,लक्ष्मण थोरात प्रथमेश निघोट यांनी केली बघितली. कुस्त्यांच्या आखाड्यांचे समालोचन अक्षय मुळूक यांनी केले.