मंचर शहरात पोलीस चौकी सुरु करावी : शिवसेना मंचर शहर (उद्धव ठाकरे) पक्षाची मागणी

मंचर दि. (प्रतिनिधी) शहरात दिवसेंदिवस वाढणाऱ्या गुन्हेगारीला आळा बसावा यासाठी मंचर शहरात पोलीस चौकी सुरु करण्यात यावी अशी मागणी शिवसेना उद्धव ठाकरे पक्षाचे मंचर शहर प्रमुख विकास जाधव यांनी लेखी निवेदनाद्वारे केली आहे.

आंबेगाव तालुक्याचे मध्यवर्ती बाजारपेठ असलेल्या पुणे नाशिक महामार्गवर असलेल्या मंचर शहरात दररोज लाखो रुपयांची व्यापारी उलढाल होत असतें त्याचप्रमाणे या ठिकाणी संपूर्ण तालुक्यातील शेकडो नागरिक कामानिमित्त येत असतात त्याचप्रमाणे शाळा महाविद्यालये इंग्रजी माध्यमाच्या शाळा त्याच बरोबर विविध शासकीय तसेच निमशासकीय कंपण्याची कार्यालये याठिकाणी कार्यरत आहेत.

 त्याचप्रमाणे कृषी उत्पन्न बाजार समिती, पराग मिल्क फूड्स, मोरडे फूड्स यासह अनेक विविध दूग्ध पदार्थ उत्पादक संस्था सह अनेक कंपन्या या ठिकाणी कार्यरत आहेत त्यामुळे मंचर हे एक विकासनशील बाजार पेठ असून या ठिकाणी मोठ्या प्रमाणावर लोकसंख्या आहे या  वाढत्या लोकसंख्येबरोबर  गुन्हेगारी क्षेत्रदेखील वाढत असून यावर आळा बसणे आवश्यक आहे. 

दरम्यान मंचर पोलीस स्टेशन शहरांपासुन खूप दूर आहे. एखादा प्रसंग घडला तर  या परीसरात असणाऱ्या विविध आस्थापनातील महिलांना वर्ग, आबाल वृद्ध, यांना  सर्वसामान्य व्यक्तीवर रात्री अपरात्री गुन्हेगारी प्रवृत्ती च्या व्यक्तीकडून त्रास होऊ शकतो. 

त्याचप्रमाणे शाळा कॉलेज मध्ये जाणाऱ्या मुलींची छेड काढणाऱ्या गुन्हेगारी करू इच्छिणाऱ्या व्यक्तीवर आळा बसण्यासाठी, मंचर शहरात मध्यवर्ती ठिकाणी मराठी शाळेजवळ  पोलीस चौकी त्वरित सुरु करावी मागणी होत असून  यासाठी मंचर नगरपरिषदेने जागाही उपलब्ध करून दिली असल्याचे जाधव यांनी  आपल्या निवेदनात म्हटले आहे. शिवसेना जिल्हा प्रमुख सुरेश भोर यांच्या हस्ते निवेदना देण्यात आले यावेळी शिवसेना संघटक प्रा. राजाराम बाणखेले,महिला आघाडी तालुका प्रमुख सौ सुरेखा निघोट, आदी मान्यवर व शिवसैनिक उपस्थित होते.