“चेहरा नवा, बदल हवा” म्हणत आंबेगावाच्या आगामी विधानसभा रिंगणात काही “पप्पू पहिलवान” देत आहेत,सहकार मंत्र्यांना आव्हान….

मंचर दि (प्रतिनिधी) “चेहरा नवा, बदल हवा” म्हणत आंबेगावाच्या विधानसभा निवडणुकीच्या रिंगणात सहकार मंत्री यांच्या विरोधात निवडणूक लढाविण्यासाठी काही “पप्पू पहिलवान “उदयाला आले असून ते पप्पू पहिलवान तालुक्यातील महिलांच्या विविध देवस्थानच्या सहली घडवीत, स्वतः आमदार असल्याचा अविर्भाव दाखवत “हे बालिश पहिलवान “सहकार मंत्र्यांना आव्हान देत ” बायकांमध्ये बराळत” असल्याने आंबेगावकर जनतेची मोठी करमणूक होत असल्याची चर्चा सुरु आहे.

महाराष्ट्र विधान सभा निवडणूक जशी जशी जवळ येऊ लागली आहे.तस तशी आंबेगाव तालुक्यातील राजकीय परिस्थितीत  बदल होत आहेत. विरोधी पक्षात या वेळी नको तेव्हडे उमेदवार निवडणूक लढाविण्याच्या वलग्ना करीत आहेत. यात काही कुस्तीगीर  पट्टीतले खेळाडू असले तरी काही मात्र अचानक पणे पावसाळ्यातील कुत्रीच्या छत्री प्रमाणे निर्माण झाले आहेत.

काही उमेदवार कुठेतरी शहरात काही प्रमाणात संपत्ती कामावल्यानंतर त्यांना समाजसेवेचा अचानक पुळका आलेला असल्याचे दिसत आहे. त्यामुळे हे पप्पू पहिलावान तालुक्यात येऊन कोणतीही राजकीय अथवा समाजिक स्थान नसताना.काही लोकांना थोड्याफार प्रमाणात मदत केल्याच्या ग्वाही देत स्वतः ला दातृत्वाचा पुतळा समजून राज्याच्या सहकार मंत्र्यांना आव्हान देण्याच्या वलग्ना करीत आहेत.

दरम्यान तालुक्यातील जनतेला आपलेसे करण्यासाठी हे महाभाग काही महिलांच्या सहली, बैलगाडा शर्यती, साडी वाटप, भांडी वाटप इलेक्ट्रिनिक वस्तूंचे वाटप करीत अप्रत्यक्ष पणे अचारसंहिते अगोदर मतदान खरेदी करण्याचा केविलवाना प्रयत्न करीत, मला निवडणुकीत एकवेळा संधी द्या असे म्हणत मतदारांना विनंती करीत असल्याचे चित्र दिसत आहे.

 काही ठिकाणी या पप्पू पहिलवानांच्या दातृत्वाच्या गप्पा लाभार्थी सांभासदाकडून सांगितल्या जातं आहेत. तसेच यांना विरोधी पक्षातील महाआघाडीतील अनेक कार्यकर्ते पाठींबा देत असल्याचे भासविले जातं आहे. मात्र या बाबत त्यांच्याच जवळचे काही लाभार्थी कार्यकर्ते खाजगीत चर्चा करताना म्हणत आहेत कि, जब तक गंगा बहती है| तब तक हात धोलो. नंतरचे नंतर पाहू. यावरूनच या उमेदवारांनाची पुढील स्थिती कशी असेल याचा अंदाज येत आहे.

 कोणी कितीही मोठ मोठ्या गप्पा मारत असले तरी आंबेगाव तालुक्याचा खऱ्या अर्थाने विकास हा राज्याचे सहकार मंत्री यांनीच केला असल्याचे मतदार ठासून सांगत आहेत.तालुक्यात डिंभे धरणाचे पाणी गावोगाव मिळण्यासाठी धरणाच्या निर्मिती नंतर रोजगात हमी योजनेत असलेल्या उजव्या कलव्याच्यानिर्मितीसाठी राज्याचे सहकार मंत्री दिलीप वळसे पाटील यांनी त्याकाळी तातडीने निधी उपलब्ध करून दिला म्हणूनच उजव्या  या कालव्याचे काम तातडीने पूर्ण झाले व तालु्याच्या विविध गावांमधील शेती बागायती झाली. तसेच तालुक्याची जीवन वाहिनी असलेल्या घोडनदीवर मोठ्याप्रमाणावर कोल्हापुरी पद्धतीचे बांधरे बांधून त्या माध्यमातून या तालुक्यातील विविध गावांमध्ये पाणी आणले आहे. त्यामुळे येथील शेतकरी खऱ्या अर्थाने आपल्या सुपीक जमिमीचा मालक राहिला इतर तालुक्याप्रमाणे फक्त औद्योगिक करणं केले असते तर तालुक्यातील भूमिपुत्र आज मावळ मुळशी भोसरी या प्रमाणे भूमिहीन होऊन दुसऱ्याच्या कंपन्यांच्या गेट वर कामासाठी उभा राहिला असता आपल्या जमिनीची किंमत काय असते हे करोना महामारीच्या काळात अनेकांच्या लक्षात आले आहे. 

दरम्यान यातच अर्ध्या हळकुंडाने पिवळे होऊन विधानसभेच्या रिंगणात उतरण्याची भाषा करणारे पप्पू पहिलवान तालुक्यात औद्योगिकरण  करण्याच्या वार्ता करीत आहेत. परंतु यांना हेच माहित नाही कि येथील भौगोलिक व इतर काही परिस्थिती नुसार औद्योगिकरण करणे शक्य होणार नाही.