माजी सरपंच बिपीन थिटे यांचेवर शोकाकुल वातावरणात अंत्यसंस्कार…

काठापूर दि. (प्रतिनिधी) माजी लोकनियुक्त सरपंच बिपीन सुदाम थिटे यांचेवर  काठापूर (ता शिरूर)येथे शोकाकुल वातावरणात अंत्यसंस्कार करण्यात आले. यावेळी हजारोंच्या संख्येने जनसमुदाय उपस्थित होता.

माजी सरपंच बिपीन थिटे यांनी मागील पंचवार्षिक निवडणुकीत लोकनियुक्त सरपंच म्हणून काम केले तर  सध्या त्यांच्या पत्नी सीमा थिटे या काठापूर खुर्द येथे लोकनियुक्त सरपंच म्हणून कार्यरत आहेत. थिटे यांनी स्वतःच्या सरपंच कार्यकाळात तसेच आपल्या  पत्नीच्या पदाच्या माध्यमातून अनेक विकासकामे तसेच सर्वसामान्य जनतेची कामे करण्यामध्ये मोठे योगदान दिले होते. गावच्या जडणघडणीबरोबरच सामाजिक, राजकीय, शैक्षणिक तसेच अध्यात्मिक क्षेत्रात मोठे योगदान होते.त्यांच्या पश्चाताप आई, वडील, भाऊ, पत्नी, मुले असा मोठा परिवार आहे.

दरम्यान माजी सरपंच थिटे यांचे आज  हृदयविकाराच्या धक्क्याने आकस्मिक निधन झाले. त्यांच्या निधनाचे वृत्त वाऱ्यांसारखे पसरल्यानंतर  राज्याचे सहकारमंत्री दिलीप वळसे पाटील, माजी आमदार पोपटराव गावडे, बाजार समितीचे माजी सभापती प्रकाशबापू पवार,माजी सभापती देवदत्त निकम; भीमाशंकर साखर कारखान्याचे अध्यक्ष बाळासाहेब बेंडे, उपाध्यक्ष प्रदीप वळसे पाटील, राष्ट्रवादीचे शिरूर – आंबेगाव तालुकाध्यक्ष मानसिंग पाचुंदकर, राष्ट्रवादीचे जिल्हा उपाध्यक्ष राजेंद्र गावडे,टाकळी हाजीचे सरपंच दामू घोडे, बाळासाहेब भोर, खरेदी विक्री संघांचे संचालक बाबाजी निचित, संपत पानमंद, माजी नगराध्यक्षा मनिषा गावडे, शुभांगी पडवळ यांचेसह विविध गावातील सरपंच, उपसरपंच, विकास सोसायटीचे अध्यक्ष यांचेसह विविध संस्थांचे पदाधिकारी, अधिकारी, शिक्षक, पत्रकार व ग्रामस्थ मोठ्या संख्येने उपस्थित होते.