शैक्षणिक
ऑलिम्पिक ॲथलेटिक्स स्पर्धेत “देविकाने” द्वितीय तर “पृथ्वीराजने ” तिसरा क्रमांक पटकावीत मिळविले नेत्रदीपक यश…
घोडेगाव दि. (प्रतिनिधी) येथील न्यू इंग्लिश मेडीयम स्कुल च्या विद्यार्थ्यांनी ऑलम्पिक ॲथेटीक्स स्पर्धेत विविध खेळात भाग घेऊन या उपक्रमात नेत्रदीपक यश मिळविले.
सकाळ समूहामार्फत सनस ग्राउंड पुणे येथे घेण्यात आलेल्या स्कूल ऑलिम्पिक ॲथलेटिक्स स्पर्धेत घोडेगाव(ता. आंबेगाव ) येथील न्यू इंग्लिश मिडीयम स्कूल, विद्यालयातील विद्यार्थिनी देविका संदीप काळे हिने थाळीफेक खेळात द्वितीय क्रमांक मिळवला तर येथील विद्यार्थी पृथ्वीराज जितेंद्र खोसे इयत्ता 10 वी याने भलाफेक खेळात तृतीय क्रमांक मिळवला.
दरम्यान विद्यार्थ्यांनी विविध खेळात नेत्रदीपक कामगिरी केल्याबद्दल आंबेगाव तालुका विद्या विकास मंडळचे अध्यक्ष उपाध्यक्ष व सर्व संचालक मंडळ व ग्रामस्थांनी तसेच शिक्षक व शिक्षकेत्तर कर्मचारी वृंदाने विजयी खेळाडूंचे अभिनंदन केले आहे.